Terminated na sa trabaho ang isa ka empleyado sang Bureau of Internal Revenue (BIR) matapos gin-report sang isa ka babaye bangud sa malain sini nga pagtrato.
Ini makaligad nga nag viral ang video kun diin nagapakita sang isa ka babaye nga aplikante sang TIN ID nga nagahilibion bangud sa bastos nga pamatasan sang isa ka empleyado sang BIR sa Novaliches.
Ginapahayag sang babaye nga nag apply siya sang TIN ID agud makakuha sang trabaho apang ginpakitaan ini sang indi manami nga batasan sang isa ka BIR employee sa Novaliches.
Dugang pa niya, tuman ang iya pagkadismaya bangud nag-ekspektar ini sang manami nga pagtrato apang daw kaangay nga wala sang gana kag suplada ang BIR employee.
Nagpabulig ang babaye bangud makapila ka beses nga may error sa iya online application para sa TIN ID rason nga nagpadulong gid ini sa ila talatapan.
Ginhambalan sini ang BIR employee nga magpahuway anay kay daw wala ini sa modo, rason nga ginkaakig sang BIR employee kag ginsinggitan ini.
Gilayon naman nga nag-aksiyon ang talatapan kag ginpaguwa ang kumpirmasyon nga ginkakas sa trabaho ang nasambit nga empleyado.
