KORONADAL CITY– Naglab ot na sa 130 ang numero sang mga nabiktima sang food poisoning halin sa duha ka Barangay sa banwa sang Lake Sebu, South Cotabato makaligad nga nagkaon sang pack luncH nga ginpanghatag sang pagtilipon nga ginpatawag sang grupo sang sang isa ka kanditato sa nasambit nga lugar.
Ini ang ginpahayag ni Dr. Jocelyn Bayquin, Municipal Health Officer sang banwa sang Lake Sebu sa interview sang Bombo Radyo Koronadal.
Suno kay Dr. Bayquin, ang mga nasambit nga mga biktima ang ginabulong na sa karon sa Lake Sebu Municipal Hospital kung sa diin yara sa apat ka tatlo ka tuig nga menor de eda ang pinakabata sa mga biktima.
Ginpasiguro naman ni Dr. Bayquin nga luwas na kondisyon sa karon sang mga nasambit nga biktima.
Madumduman nga una na nga ginpahayag ni Ms. Gaywing Gadung, event organizer sa pagtilipon nga nagpatawag ini sang pagtilipin sa Barangay Tasiman sa banwa snag Lake Sebu, South Cotabato bilang pagsupurta sa ila nga pakaisa nga amo naman si Barangay Lamfugon Kapitan Lea Lobong nga nagapapili nga konseha sang nasambit nga banwa.
Kadamuan sa mga nagtambong ang ila nga mga pamilya halin sa nagkalain lain nga mga Sitio sa Barangay Tasiman kag Lamfugon.
Isa ka oras lamang suno pa ang gindugay sang pagtilipin nga nag umpisa alas dose sang udto tubtub ala una sang hapon kahapon nga adlaw sang Dominggo.
Duha suno pa ka putahe ang ginpakaon para sa mga nagtambong sa pagtilipon lakip na ang bihon.
Sang hapon, sang nag umpisa na nga makaekperyensya sang pagpalanakit sang tiyan, pagsuka ang mga biktima amo nga gilayon sila nga gindala sa balay bululngan.
