KORONADAL CITY – Natalana nga pasakaan sang kaso nga paglapas sa RA 9165 ukon Comprehensive Dangerous Drugs Act of 2002 ang isa sa mga ginakabig nga big fish sang mga otoridad sa ginpatigayon nga anti-drug buybust operation sa siyudad sang Koronadal.
Ginkilala ang nasambit nga suspek nga si Jerwin Panelo, yara sa legal nga edad, may asawa kag residente sang Blk. 4, Lot 2, Marbel Homes, Brgy Sto Nino, sa nasambit nga siyudad.
Sa ginpatigayon nga operasyon nakumpiska sa iya ang 39 ka sachet sang ginapatihan nga shabu nga may kabug-aton nga 50 gramo kag ginabulobanta nga yara sa P400,000 ang market value sini; P1,000 marked money kag drug paraphernalia.
Sa subong yara sa custodial facility ito ng PDEA-12 ang suspek samtang ginturn-over naman saWomen and Children’s Protection Desk sang Koronadal PNP ang bata sini bangud yara sa iban nga pungsod ang asawa sini.
