KORONADAL CITY- Ginpahayag ni Bangsamoro Islamic Freedom Fighters Spokesperson Abu Misry Mama nga wala sila sang labot sa ginaduso nga Bangsamoro Basic Law o BBL.
Suno kay Mama, humalin sang nagwa ang isyu sa ginaduso nga Bangsamoro Basic Law nagsipak na sila Moro Islamic Liberation Front o MILF bangud suno pa sa alegasyon sini nga may yara sang iban pa nga interes ang pagduso sang nasambit nga hagna.
Dugang pa sini nga indi man ini makapati nga mangin solusyon ang BBL agud maangkon ang kalinong sa Mindanao kag sa baylo nagakadapat suno pa nga makaangkon sang independensya kag mabawi suno pa sang mgga Moro ang ila nga teritoryo.
Samtang sa pihak nga bahin, ginpahayag ni Deputy Speaker For Mindanao kag 2nd District Representative Atty. Ferdinand Hernandez nga dako nga kompromiso ang pagahimuon agud nga mapasar ang Bangsamoro Basic Law nga isa man ka handum ni Pres. Rodrigo Duterte para sa Bangsamoro People sa Mindanao.
Suno kay Congressman Hernandez ang nasambit nga hagna ang magahatag sang full autonomy sa Bangsamoro Area.
Apang sa pihak sang madamo nga issues nga nagatuluhaw angot sa BBL ginapadasigan naman sangn presidente nga masertipikahan ini nga urgent kag ini ang maid-id nga maga-agi sa kongreso kag senado.
Samtangg posibke man ma-adoptar ang final version sang BBL bag-o ang State of Nation’s Address sang chief executive apang ini ang posible indi pa gilayon mangin layi bangud may rebisyon pa kag paga busision pa ni Pres. Duterte.
