COTABATO CITY – Tigayon nga naarestar sang mga otoridad ang isa ka most wanted person sang Central Mindanao sa bahin sang Cotabato City.
Ginkilala ang nasambit nga suspek nga si Samad Masgal alyas Kumander Madrox.
Suno kay PDEA-BARMM Director Juvenal Azurin, nadakpan si Masgal samtang yara ini sa sulod sang Cotabato Regional and Medical Center.
Ini makaligad suno pa nga na-verify ang text message nga nabaton halin sa isa ka impormante nga yara sa nasambit nga ospital ang suspek.
Madugay na nga ginapangita sa sulod sang tatlo ka tuig si Masgal nga isa ka sub-leader sang BIFF nga naga-operate sa mga border sang North Cotabato kag Maguindanao.
Base sa intelligence report sang militar, nagahatag sang pondo si Masgal para sa ISIS halin sa iya drug trading nga nga negosyo.
Madumdoman nga napilasan ini sa isa ka engkwentro sa Midsayap, North Cotabato rason nga gindangat ini sa nasambit nga ospital kag gin-amputate ang iya wala nga butkon.
Napangatubang subong si Masgal sang patong-patong nga kaso kasubong sang multiple murder, multiple frustrated murder, illegal possession of firearms and explosives kag illegal drug peddling.
