KORONADAL CITY– Nagapadayo ang manhunt operation sang 6th Infantry Division Philippine Army batuk sa mga katapo sang Bangsamoro Islamic Freedom Fighters nga hana magpatigayon sang pagpang-atake sa Brgy. Olagandang sa banwa sang Midsayap, North Cotabato.
Sa esklusibo nga interbyu sang Bombo Radyo Koronadal kay Army Capt. Arvin Encinas, tigpamaba sang 6th ID PA, ginreport sa ila sang pila ka mga residente nga may yara sang presensya sang armado nga grupo nga nagapatigayon sang pagpanghadlok kag nagapalupok pa sang armas sa nasambit nga lugar kabangdanan sang gilayon nga pagpatigayon sang operasyon sang militar.
Pag-abot sa lokasyon, napaslawan ang militar nga maabtan ang mga rebelled apang natukiban ang ila kuta kag narekober ang nagkalain-lain nga sahi sang matag-as nga armas, mga bala, gamit sa paghimo sang mga eksplosibo.
