KORONADAL CITY- Ginpanginwala sang kampo sang Bangsamoro Islamic Freedom Fighters (BIFF) ang kumpirmasyon sang South Cotabato PNP nga mga katapo nila ang 2 ka mga kalalakihan nga nadakpan kag ginatudlo nga prime suspects sa pagpasigabong sa syudad sang Koronadal sang Abril 29, 2018.
Sa ekslusino nga interbyu sang Bombo Radyo Koronadal sa tagpamaba sang BIFF nga si Abu Misry Mama, wala suno pa sang kamatuuran ang mga ginapasimangod sa ila kag sa baylo kahimuan suno pa sang mga suldado ang pagpasigabong bangud luyag suno pa sila nga gubaon agud maakig suno pa ang publiko sa ila nga grupo.
Samtang suno naman kaySouth Cotabato Police Provincial Director Senior Superintendent Nestor Salcedo, ginalauman na nila nga igapanginwala sang grupo ang akusasyon apang nagpanindugan ini nga konektado kag mga myembro sang BIFF sanday Sukarno Paidumama alyas Karno Utok, residente sang Sultan Sa Barongis, Maguindanao kag Alihan Dimasangkay Adto nga residente sang Lambayong, Sultan Kudarat base sa ila imbestigasyon.
