KORONADAL CITY – Nagapadayon subong ang hot-pursuit operation sang kapulisan sa mga katapu sang Bangsamoro Islamic Freedom Fighters (BIFF) matapos ang ginhimo nga pagpangharass sa Maguindanao Police Provincial Office sa Brgy. Poblacion Mother Shariff Aguak Maguindanao.
Sandig sa report, hinali na lamang nga ginpalukpan sang mga armado nga suspek nga ginapatihan mga katapu sang BIFF usar ang M203 grenade launcher nga ginkapilas sang isa ka sibilyan.
Ginkilala ang pilason nga si Bualan T. Munib, 70 anyos kag residente sang nasambit nga lugar.
Nag-angkon sang igo sang shrapnels sa nawong sini ang biktima nga gilayon gindala sa pinakamalapit nga balaybululngan.
Maswerte naman kag wala sang pilason sa bahin sang kapulisan samtang nagapadayon ang imbestigasyon sa panibag-o nga harasment sa nasambit nga himpilan.
Sa subong, ginpasaka pa ang alerto sang bug-os nga pwersa sang kapulisan kag militar sa bug-os nga probinsya sang Maguindanao kadungan man sang implementasyon sang Martial law.
