KORONADAL CITY- Nagapadayon ang operasyon sang militar kag sang kapulisan batuk sa mga myembro sang Bangsamoro Islamic Freedom Fighters (BIFF) sa Brgy. Pedtubo sa banwa sang Pres. Quirino, Sultan Kudarat makaligad ginsulod sang mga ini ang nasambit nga barangay agud hadlukon ang mga residente ilabi na ang mga mangunguma.
Sa ekslusibo nga interbyu sang Bombo Radyo Koronadal kay 33rd Infantry Makabayan Batallion Commanding Officer Lt. Col. Harold Cabunoc, gilayon nila nga ginrespondehan ang lugar makaligad gin-harass sang mga ini ang mga residente usar ang matag-as nga kalibre sang mga armas luthang kag makaligad gin ukupar sang masobra 50 ka armado nga mga kalalakihan ang Palm oil plantation sa nasambit nga barangay.
Nahibaluan nga nagbakwit man ang kadamuan sa mga residente sa lugar bangud sa tuman nga kahadlok nga maipit sa kinagamo.
Samtang ginpasiguro naman ni Col. Cabunoc nga indi maga untat ang militar tubtob mabalik sa normal ang sitwasyin sa Brgy. Pedtubo kag tigayon nga mapalayas ang bandido nga grupo.
