KORONADAL CITY – Tigayon na nga ginpasakaan sang kaso ang BIFF commander kag kaupdanan sini nga nagapanguna nga suspek sa pagluthang-patay sa hepe sang Ampatuan PNP.
Ini ang ginpahayag ni Maguindanao del Sur police spokesperson PMaj. Reggie Abellera, sa interbyu sang Bombo Radyo Koronadal.
Suno kay Abellera, ginpasakaan na sang kaso ang 7 ka mga katao nga suspek sa pagpang ambush sa mga kapulisan sang naglabay nga bulan sang Agusto.
Ang mga ini ang pormal nga ginpasakaan sang kaso sang PNP Criminal Investigation and Detection Group sang double murder, frustrated murder at damages to property charges sa Maguindanao provincial prosecutors’ office may kaangtanan sa pagpatay kay Anay Ampatuan town police chief Lt. Reynaldo Samson kag katapo sini nga si Corporal Salipudin Endab.
Ang kaso ang ginpasaka batok kay Commander Jacket sang Bangsamoro Islamic Freedom Fighters kag mga kaupdanan sini.
Kung madumduman, si Lt. Samson kag apat sini nga kaupdanan ang nagpadulong sa Barangay Kapinpilan, Ampatuan agud mag padala sang warrant of arrest batok sa isa ka alyas kambal.
Apang antes pa man sila nakalab ot sa lugar sang wanted person anfg ginpaulanan sila sang bala sang grupo sang BIFF.
Kung sa diin napatay on the spot si Lt. Samson at Cpl. Endab samtang nakaluwas naman apang pilason sanday Police Master Sgt. Renante Quinalayo, Corporals Rogelio Dela Cuesta Jr. and Marc Clint Dayaday.
Gindugang pa sang opisyal nga isa naman ini ka kadalag an sa ila nga pwersa makaligad ang makahiridlis nga panghilitabo sa ila nga grupo.
Nahibaluan man nga ang mga kapulisan nga pilason ang gintanyagan sang “Medalya ng Kadakilaan” kag “Medalya ng Sugatang Magiting.
