MAGUINDANAO DEL SUR — Patay ang isa ka opisyal sang Bangsamoro Islamic Armed Forces–Moro Islamic Liberation Front (BIAF-MILF), upod ang iya drayber kag 5-anyos nga bata, matapos gin-ambush ang ila salakyan sa Barangay Kapimpilan, Ampatuan, Maguindanao del Sur.
Ginkilala ang mga biktima nga sanday Commander Toabak Sangki Kindo, kasamtangan nga battalion commander sa idalom sang 1st Brigade, 118th Base Command, Central Mindanao Front BIAF-MILF, kag ang iya drayber nga si Boy Sangki.
Lakip man sa mga nasawi ang 5-anyos nga bata sang drayber.
Suno sa mga himata sang biktima, pauli na kuntani ang mga ini sang hinali lang gin-ambush sang mga wala pa makilal-an nga mga suspek.
Nakaangkon sang madamo kag tuman nga mga igo sang bala ang mga biktima nga gintunaan sang ila gilayon nga kamatayon.
Padayon pa sa karon ang imbestigasyon sang mga awtoridad agud matumod ang pagkakilal-an sang mga suspek kag ang motibo sang krimen.
