Nagapanawagan ang Bureau of Immigration (BI) sa publiko nga maghalong sa mga pekeng dokumento, pareho sang mga sulat nga nagapanginwala nga halin sa ahensya kag nagapangayo sang kwarta sa mga nagabaton sini.
Suno kay BI Commissioner Joel Anthony Viado, ginagamit sang mga scammer ang amo nga klase sang sulat agud hadlukon kag dali-dalion ang biktima nga magpadala sang kwarta.
Isa sa mga nadawat nila nga kaso amo ang isa ka peke nga sulat nga may pirma kuno ni Viado kag ginpadala sa isa ka babae sa Pampanga.
Suno kay Viado, ini ang kabahin sang ginatawag nga “love scam” nga kun sa diin ginapasalig ang biktima nga ang ila nga dayuhang karelasyon nga nakilala online ginpahamtang sa paluparan.
Ang sulat nagasugid man sang paandam nga untaton ang pakig-angot sa amo nga dayuhan, upod na ang mga hulbot-hulbot nga may kahilabtanan sa Anti-Money Laundering Act.
Ang nasambit nga sulat nagasugo sa biktima nga makig-angot sa isa ka “opisyal” pinaagi sang social media kag isa ka mobile number, kag naghatag sang instruksyon nga magpadala sang kwarta sa isa ka pribado nga bank account nga wala sang otorisasyon halin sa BI.
Ginapahanumdom ang publiko nga indi magpahulog sa amo nga klase sang scam.
Ginmanduan na sang BI ang mga autoridad nga maghimo sang imbestigasyon.
