Nagapadayon ang imbestigasyon angut sa pagka sunog sang isa ka commercial building sa banwa sang Norala, South Cotabato.
Ini ang nangin pahayag ni SFO4 Ronald N. Navares Acting Municipal Fire Marshal sa interview sang Bombo Radyo Koronadal.
Suno kay Navares, gilayon sila nagpadulong sa lugar matapos maka baton sang report dala ang tatlo ka fire truck kag nakig bato sa madako nga kalayo sa nasunog nga commercial building.
Dugang pa kay Navares, isa naman ang napatay bangud wala nakaluwas sa nasambit nga sunog kag ginkilala ang biktima sa kay Cody Perez Parcon, lalaki, may asawa, kag residente sang amo nga lugar.
Gindugang pa ni Navares nga nag lab-ot sa 7.8 million pesos naman ang danyos nga naguba sa nasambit nga commercial building pulo diri ka stall ang nalakip.
Sa subong padayon suno pa ang ila imbestigasyon agud mahibaluan kung sa diin nag umpisa sang sunog. Panawagan naman ni Navares, mag report gilayon sa BFP pareho sini nga insidente kag maghalong sa sulod sang mga panmalay ukon estblisyemento.
