Nagpanawagan sa liwat ang BFP Koronadal sa publiko nga mangin vigilante, likawan ang pag-overcharing sang devices, kag untaton ang pagsunod sang mga basura agud malikawan ang sunog.
Ini ang nangin panawagan ni FO1 Rohnel Nambatac – Public Information Unit Staff, BFP Koronadal sang Bombo Radyo.
Ini matapos ang nagluntad nga sunog sa Koronadal National High School sa Purok Aurora, Brgy. Zone 4 sa diin nadiskubrehan nga nasunog ang canteen kag isa ka storage room sang nasambit nga buluthuan.
Samtang, ginpahanumdom sang ahensya ang publiko nga indi magpatuyang sa pagsunog sang basura kag siguruhon nga husto kag indi delikado ang paggamit sang saksakan kag electrical connections sa puluy-anan ukon buluthuan.
Sa karon, padayon ang imbestigasyon sang BFP agud matukiban ang ginhalinan sang kalayo.
