-- ADVERTISEMENT --
Gintumod ni Department of the Interior and Local Government (DILG) Secretary Jonvic Remulla nga ang Bureau of Fire and Protection (BFP) amo kuno ang pinaka-korap nga ahensiya sang iya departamento.
Ini ang ginpahayag sang tiglikom matapos kuno matukiban ang mga mali sa BFP.
Suno sa iya, may mga opisyal kag personnel sang bureau nga ginagamit ang ila badge sa iligal nga mga aktibidad, pareho sang pag-recruit sang mga bombero, kun sa diin ginasukot kuno sang mga scalawag ang mga aplikante sang ₱500 kada isa agud makasulod sa bureau.
May kaangtanan sini, nagsiling si Sec. Remulla nga natumod na ang mga korap nga opisyal sang BFP kag sila suno pa ang natalana nga pahalinon humalin sa Enero sa masunod nga tuig.
