-- ADVERTISEMENT --
Nagtaliwan na ang beterana nga aktres nga si Vangie Labalan sa edad nga 83.
Ginkumpirmar ini sang iya bata nga si Carlo paagi sa isa ka social media post.
Suno sa iya, nagtaliwan ang iya iloy samtang yara sa Australia bangud sa ginabatyag nga balatian.
Nakilala si Labalan bilang isa ka karakter actress nga nangin kabahin sang industriya sang showbiz sa sulod sang pila ka dekada.
Halin dekada ’80 tubtob ’90, nagmarka ang iya talento labi na sa mga komedya, kun sa diin ginkabaig ang iya natural nga pag-arte kag maayo nga comic timing.
Nagpalab-ot sang simpatiya kag pagpangasubo ang pila ka personalidad kag netizens nga nagkilala sa iya dako nga kontribusyon sa industriya sang showbiz.
