Naga-umpisa na bala ang blowback sa pagkaangut ni Maris Racal sa “messy breakup” ni Anthony Jennings kag sang iya non-showbiz girlfriend nga si Jamela Villanueva?
Ini matapos gin-anunsiyo sang Dazzle Me isa ka beauty cosmetic kag personal care brand, nga gintapos na nila ang partnership sa aktres.
Sa mahibaluan, pila pa lamang ka bulan ang nakaligad sang ginlunsyar si Maris bilang brand ambassador sang nasambit nga produkto.
Ginpahayag sang Dazzle Me ang ila statement pinaagi sa ila Instagram kag Facebook account, Huwebes, Disyembre 5, 2024.
Sandig sa ila statement, indi nangin mahupos ang ila desisyon apang kinahanglan lamang nila nga mapabilin ang integridad sang ila produkto.
Nagpanawagan naman ang Dazzle Me, nga apisar gintapos na nila ang partnership sa aktres, nagalaum sila sa gihapon nga magapabilin ang “kindness and empathy” online.
