Gindayaw sang Batangas Delegates ang mainit nga pag-welcome kag pag-akomodar sang General Santos City sa ila nga mga delegado para sa Batang Pinoy 2025.
Sa interview sang Bombo Radyo Koronadal kay Coach Melvin sang Arnis Team sang Batangas Delegates . Suno kay Coach Melvin, wala sila nakabatyag sang homesickness bangud sa mainit nga pagdawat sang mga taga-General Santos City. May 13 ka mga atleta ang magahampang sa Batang Pinoy 2025 nga humalim sa Batangas sa diin suno kay Coach Melvin, masobra sa lima ka bulan sila nagpreparar para sa nasambit nga torneo.
Dugang pa niya, nalipay sila kay may madamo sila nga lugar nga pwede mapasyaran sa syudad kag madamo man sang mga pagkaon.
Naghatag man sang mensahe si Coach Melvin para sa mga atleta nga magpabilin nga disiplinado, mag-ampo, kag ihatag ang bug-os nga talento sa kada hampang.
