KORONADAL CITY – Dead on Arrival ang isa ka bata sang gindala sa balaybululngan matapos nga malumos sa Allah River sa banwa sang Sto. Niño, South Cotabato.
Sa interbyu sang Bombo Radyo Koronadal kay Police Lt. Diogenes Hare, hepe sang Sto. Niño, PNP, ginkilala ang biktima kay Mark Anthony Piñol Jr. residente sang Prk. Lapu-Lapu Poblacion, Sto. Niño South Cotabato.
Suno kay Hare, naguwa sa ila imbestigasyon nga nagpaligo sa Allah River ang pamilya sang bata kag posible nga wala ini nabantayan sang maayo rason nga nalumos.
Narekober naman ang bangkay sang nasambit nga bata sa Pres. M. Roxas.
Gindala pa sa balay bululngan ang bata apang gindeklarar ini gilayon nga patay.
Hugot naman ang pahanumdom sang Sto. Niño PNP sa ma ginhikanan nga bantayan ang ila mga kabataan.
