Ginkolekta na sang tagsa nga myembro sang asosasyon ang mga naglapta nga basura sa area sa kalabaon sang Gensan Drive sa syudad sang Koronadal.
Ini ang nangin pahayag ni Johmel Alo – Presidente sang Firecrackers and Pyrotechnics Retialer’s Association Koronadal, sa exclusive interview sang Bombo Radyo Koronadal.
Suno kay Alo, ginpadul-ungan na sang mga myembro sang asosasyon ang area kag ginkolekta ang mga nasambit nga mga basura kag nagpatigayon man sang clean up drive sa area.
Pagpaathag man ni Alo, ginhimos tarung sang asosasyon ang ila mga basura, apang, posible nga may mga indibidwal nga naghilabot diri kag ginlapta ang mga basura kabangdanan sang nagluntad nga isyu.
Nagpanawagan man si Alo sa publiko nga mangin sensitibo man kuntani sa mga komento nila sa social media kay ang mga alegasyon kasubong sang tonto, damak, kag undisciplined batok sa ila amo ang indi matuod.
