KORONADAL CITY – Nagpaidalom sa self-quarantine ang isa ka opisyal sang Bangsamoro Autonomous Region in Muslim Mindanao (BARMM) bangud sa paandam sang coronavirus disease.
Base sa impormasyon, gilayon nga nagpaidalom sa nasambit nga proseso si BARMM spokesperson Atty. Naguib Sinarimbo kaupod ang iban pa nga mga opisyal makaligad magtambong sa hearing sang Senate committees on local government and finance.
Kalakip man sa nasambit nga self quarantine sanday Atty. Ali Pangalian kag Regional Executive Secretary Abdulrauf Macacua nga nagtambong sa nasambit nga hearing.
Ginpasiguro naman sang talatapan sang nasambit nga tagpamababa nga pagahimuon gyapon sini ang iya ubra pamaagi sa online communication facilities apisar yara ini sa sulod sang isolation room.
Suno man saiya sini kaupod sa Ministry of Local Government-BARMM, sa subong kay hugot siya nga ginabantayan sang mga doktor.
