KORONADAL CITY – Gin-awhag subong sang pamunuan sang bag-o gintukod nga Bangsamoro Autonomous Region in Muslim Mindanao ang mga pumuluyo nga hatagan sang dako nga suporta ang BARMM batuk sa mga pamahog sang pila ka Jihadist kag Extremist groups sa rehiyon sa pagpanguna ni BARMM interim chief minisrer Al-Hajj Murad Ebrahim.
Ini ang kasunod sang ginpatigayon nga inagurasyon san BARMM kun sa diin pormal na nga nagpungko ang mga opisyal sang Bangsamoro Government.
Sa pihak sini, nagapabilin nga dako nga hangkat kag pamahog sa gihapon sa BARMM ang pila ka mga grupo nga wala nagasuporta dire kasubong sang Bangsamoro Islamic Freedom Fighters nga isa ka breakaway group sang Moro Islamic Liberation Front ukon MILF, Maute terror group, Abu Sayaff Group kag iban pa nga ISIS inspired terror groups nga indi suno pa dapat i-overlooked.
Dugang pa sini nga dapat man nga tutukan kag pungggan ang nagapadayon nga factionalism kag terrorist loyalties nga malapnagon sa Mindanao.
Nahibaluan nga ang Mindanao ang may yara sang madugay na nga maragtas sang political violence bangud sa anti-colonial struggles sang mga nagkalain-lain nga jihadist groups kag ang BARMM na nakit-an nga solusyon sa kinagamo ang nagasugod pa lamang sa pag solbar sini.
