KORONADAL CITY- Ginpaidalom na sa state of calamity ang bilog nga Bangsamoro Autonomous Region in Muslim Mindanao (BARMM) bangud sa malapnagon nga pagbaha kag landslide nga tuga sang wala untat nga pagbunok sa ulan.
Ini ang ginkumpirmar ni BARMM Chief Minister Ahod Ebrahim.
Suno sa iya, sa datos mga ginpaguwa sang BARMM, ara sa 115,437 na nga mga pamilya ukon 572,185 nga mga kabalayan ang apektado sang pagbaha kag landslide labi nagid sa bahin sang Maguindanao, Cotabato City kag Special Geographic Areas sa North Cotabato.
Halos 40 naman ang kumpirmado nga patay, 31 ang mga pilason samtang ara sa 11 na ang nagkaladula//.Nagapadayon naman sa subong ang pagpanagtag sang relief packs sa mga apektado nga pamilya amu man ang search and retrieval operations sa mga nadula pa nga mga tawo.
