KORONADAL CITY– Yara sa masobra 5 ka libo nga Muslim ang nagtililipon sa Bangsamoro Government Compound sa Cotabato City para sa obserbasyon sang Eid al Adha.
Ginpangunahan mismo ini ni Bangsamoro Autonomous Region in Muslim Mindanao ukon BARMM Interim Chief Minister Ahod Murad Ebrahim kun sa diin naghugpong man ini sa pagpatigayon sang congregational prayers.
Ginalakipan suno pa ini sang mga opisyal sang gobyerno kag empleyado sang BARMM Government kag mangin sang mga ordinaryo nga Muslim sa Bangsamoro Region.
Kadungan sini, panawagan ni Ebrahim ang sustainable peace kag moral governance sa atubang sang kasubong nga mga Muslim ilabi na sa mga opisyal sang gobyerno agud nga malab-ot ang maayo nga panggobyerno sa BARMM.
Sa pihak nga bahin, nagpalab-ot man sang bug-os nga suporta ang BARMM para sa sa rehabilitasyon sang Marawi City makaligad ang gyera kun sa diin madamo nga mga Muslim ang napatay.
