Barbie Imperial, ginpanginwala nga siya ang rason sa pagbulaganay nanday Richard Gutierrez kag Sarah Lahbati

Matapos isapubliko ang pagbulaganay nanday Richard Gutierrez kag Sarah Lahbati sang Marso 2024, nagguwa ang mga ispekulasyon may kaangtanan ini sa aktres nga si Barbie Imperial.

Apang ginpamatud-an ni Barbie nga wala sia sang kahilabtanan sa amo nga isyu.

Sa isa ka vlog, ginpaathag niya nga bulaganay na gid sanday Richard kag Sarah antes pa sia nagsulod sa kabuhi sang aktor.

Dugang pa niya, ginlaragway niya si Richard bilang isa ka nobyo nga kabalo mag-atipan kag magpalangga.

Sang damlag lang, ginpamatud-an man nanday Richard kag Barbie ang ila relasyon, kasabay sang pag-anunsyo sang ila palaabuton nga serye nga “Blood vs Duty.”