KORONADAL CITY – Nagapadayon tubtob subong nga adlaw ang Baras bird festival sa bahin sang Tacurong, Sultan Kudarat.
Sa interbyu sang Bombo Radyo Koronadal kay DOT 12 Regional Director Nellynita Dillera, kapin 20,000 ka mga pispis ang yara sa nasambit nga bird sanctuary kun sa diin sigurado nga maga enjoy ang mga manugtan-aw.
Nahibaluan nga kasamtangan nga ginadagsa ang nasambit nga aktibidad sang mga turista nga dako nga bulig sa pagsanyog sang turismo sa nasambit nga lugar.
Samtang kaangot sini nagpadulong man sa Baras Bird festival ang presidente ang wild bird club agud saksihan ang nagkalain-lain nga mga aktibidad.
Tinutuyo naman sang tuigan nga Baras bird festival amuh ang makahatag sang awareness sa katawhan sa pagprotehir sa mga pis-pis kag sa ila sini nga puluy-an.
