Ginhungod gid sang mga tao nga banlason ang mga kadalanan rason nga indi na ini maagyan sang mga motor sa duha ka sitio nag sakop sang Brgy. Pulabato, Tampakan, South Cotabato.
Ini ang nangin pahayag ni Kapitan Niel Ryan Escobillo sang Brgy. Pulabato, Tampakan, South Cotabato sa ekslusibo nga interview sang bombo radyo koronadal.
Suno kay kap. Ryan, apat na ka mga bahin sa iya nga ginasakopan ang ginpatigayonan sang ilegal nga banlas lakip na diri ang Sitio. Campo kilot sang nasambit nga barangay kung sa diin mabudlay na agyan ang dalan padulong sa isa nama ka sitio.
Gindugang pa ni Ryan, sa subong ang ila gina himo amo ang pag kay-o sang mga kadalanan nga naguba kung sa diin sila ang padayon nga naga pakig-agut sa Menro ilabi na sa South Cotabato Provincial Office para sa seguridad man sang lugar.
Sa subong padayon naman suno pa nga gina bantayan ang lugar kung sa diin ang madakpan nga naga banlas pagadakpon kag magapangatubang sang nagakaangay kaso.
Nagpanawagan naman si Kap. Ryan sa mga naga ilegal banlas nga untatan bangud indi gid mabal-an kung ano ang posible nga matabo sa lugar nga epekto sang pag banlas.
