KORONADAL CITY – Nadulaan sang kabuhi ang isa ka barangay chairman kag ang pinsan sini, matapos gin-ambush sang mga armado nga kalalakihan sa Barangay Panadtaban, Rajah Buayan, Maguindanao del Sur, alas-9:40 subong nga aga.
Ginkilala ni Police Regional Office in the Bangsamoro Autonomous Region o PROBAR spokesperson Lt. Colonel Jopy Ventura ang mga biktima nga sanday Norodin Sindatukan Utto Jr., sang Brgy. Panadtaban, kag si Arto Utto Mangilala, lunsay residente sang nasambit nga lugar.
Suno sa inisyal nga imbestigasyon sang mga awtoridad, sakay sang isa kaHonda Click motorcycle si Utto upod sang hinali sila nga ginpatluhang sang mga lalaki nga sakay sang motorsiklo. Lunsay nakaagom naman sang madamo nga igo sang bala ang mga biktima.
Sa dugang, dead on the spot si Mangilala, samtang dead on arrival naman ang Punong Barangay nga si Utto. Padayon naman ang imbestigasyon sang Rajah Buayan PNP sa nagluntad nga krimen kag padayon nga ginatumod ang mga indibidwal nga yara sa likod sini. #
