KORONADAL CITY – Nagapadayon ang imbestigasyon sang Tacurong city PNP may kaangtanan sa nagluntad nga pagpangluthang sa isa ka Brgy. Kapitan sa Bonifacio Extension, Brgy. Poblacion sa syudad sang Tacurong.
Suno kay Lt. Col. Rey Egos, ang hepe san Tacurong PNP, ginkilala ang mga biktima nga sanday: Bryan Guinbang Baumol, 24 anyos, kapitan sang Barangay Baumol sa banwa sang Lambayong kag Samer Guiamalodin Baumol, 23 anyos, kag Putimama Piduwa, 28 anyos nga lunsay residente sang Purok Pinangga, Barangay Baumol sa banwa sang Lambayong, Sultan Kudarat.
Nahibaluan nga samtang yaar sa isa ka kalan-an aang mga biktima duha ka mga persona nga sakay sang motorsiklo ang nagpalapit sa ila sini payag nga gina pungkuan kag sa gilayon ginhimo ang pagpangluthang.
Naka-agom sang igo sa nagkalain-lain nga parte sang lawas ang biktima nga sa gilayon gindangat sa pinakamalapit nga balay bululngan.
Na-rekober man sang ginluntaran sang insidente ang pito (7) ka mga basyo sang bala humalin sa ginapatihan kalibre 45 nga armas luthang.
Dugang pa ni Col. Egos nga magapadayon ang ila nga hot pursuit operation angot sa nasambit nga insidente Kaupod ang Joint Task Force Talakudong.
