KORONADAL CITY – Padayon nga ginalagas sang mga kapulisan ang isa ka barangay kapitan sa banwa sang Lake Sebu makaligad maluthangan ang isa ka babaye nga nagapasuso lamang.
Sa interbyu sang Bombo Radyo Koronadal kay Lake Sebu Mayor Floro Gandam, nagpa-party suno pa ang suspek nga si Brgy Takunel kapitan Rudy Tomas sa isa ka river resort sa barangay Tasiman.
Nakaangkon suno pa sang pagbinaisay sa mga kaupdanan ang suspek nga ginasiling nga hubog na rason nga ginkuha sini ang isa ka armas luthang halin sa ila barangay vehicle kag nagpalupok.
Aksidente naman nga naigo sa wala nga bahin sang nawong ang biktima nga naigo sa wala nga bahin ang biktima nga si Gina Blunto samtang nagapasuso lamang ini sa iya duha ka bulan nga lapsag gani gilayon ini nga gindangat sa South Cotabato Provincial Hospital.
Narekober sa ginluntaran sang insidente ang tatlo ka basyo sang kalibre 45.
Suno naman sa bata sang biktima nga si Eljin, nagaapela sila sa nasambit nga barangay kapitan nga magsungka na kag buligan sila sa mga balaydan sa ospital.
Sa subong ginapreparar na sang mga otoridad ang mga nagakaigo nga kaso batok sa nagpalagyo nga barangay kapitan.
