KORONADAL CITY – Nagapadayon ang imbestigasyon sang mga otoridad sa pagpatay sa isa ka barangay Kagawad sa Barangay Palian, Tupi, South Cotabato.
Ginkilala ni Police MSgt. Rhea Luz Gatinao, Information Officer sang Tupi MPS ang biktima nga si Kagawad Datulim Pagutaran Kalamongi, 40 anyos kag residente sang Lote, Sitio Adbul, Barangay Palian sa nasambit nga banwa.
Suno kay Gatinao, nasapwan na lamang sa garahe sang ila panimalay ang barangay official nga wala na sang kabuhi kag may igo sang bala sa ulo kag iban nga parte sang iya nga lawas.
Narecover naman sang mga otoridad sa lugar kun sa diin nasapwan ang bangkay ni Kalamongi ang 4 ka fire cartridge, isa ka deformed slug kag isa ka live ammunition sang caliber 45.
Sa karon, ginahibalo pa ang motibo sang krimen kag kun sin-o ang responsable sa pagpatay sa biktima.
