KORONADAL CITY-Nagtaliwan na ang Brgy. Chairman sang Barangay Carpenter Hill nga si Kapitan Benedicto Pastera,kagina sang takna alas 2 sang kaagahon Disyembre 14 2021 ,Martes nga adlaw sa iya mismo nga puluy-an bangud sa balatian sini.
Suno sa iya, antes pa napatay ang kapitan, nagabatyag na ini sang hapo kag makapila na nga gin dangat sa balay bululngan nga nahapo ini.Sa pagkamatoud , may mga oxygen tanks na sa ila nga puluy-an bangud sa ginabatyag sang Kapitan.
Gindangat pa ini kgina sang kaagahon sa isa ka pribado nga balay-bululngan apang wala na ini nahingaw pa.
Sa subong ginapreparar na sang iya nga pamilya ang pag-abot sang patay nga lawas sini sa ila nga puluy-an sa Barangay Carpenter Hill.
Samtang, nagpanumpa naman kagina sang aga sa atubang ni Koronadal City Mayor Eliordo Ogena ang 1st kagawad sang nasambit nga barangay nga si Mr. Carl Anthony Rubiato bilang panibag-o nga Chairperson sang Barangay Carpenter Hill , katal-os sang nagtaliwan nga kapitan.
