KORONADAL CITY – Ginbawian sang kabuhi ang isa ka Brgy. Chairman sang Barangay Buliok Pagalungan Maguindanao kaupod ang empleyado sang DILG sang mabungguan ang ginasakyan nga kotse sa isa ka bus nga nakaparking sa Mlang North Cotabato.
Ginkilala ang mga napatay nga sanday Brgy. Chairman Kesay Mamasalagat sang Barangay Buliok Pagalungan Maguindanao kag Allan Anta empleyado sang DILG.
Samtang ang mga malala nga napilasan ang ginkilala kanday Sengko Macagcaid, Barangay Treasurer sang nasambit nga barangay kag isa ka Jhohaiden Manonsol, driver sang du-ag pula nga Toyota vios.
Nagdepensa naman ang driver sang Rural bus nga si Dante Salon Pizana bangud nakapark suno pa ini sa National Highway crossing Bialong Mlang North Cotabato kag nakibot na lang sa pagbunggo sang kotse.
Suno sa rescue team bangud sa kabaskog sang pagkabunggo, nadugayan pa bag-o makuha ang driver bangud naipit ini sa bakal sang salakyan rason nga kinahanglan pa nga butangan sang oxygen ang driver bago tigayon nga narescue.
Gilayon naman nga gindangat sa pinakamalapit balay-bululngan ang 2 pa nga nakaluwas sa insidente.
Padayon naman ang ginahimo nga imbestigasyon sang mga otoridad sa n
