KORONADAL CITY- Nagapadayon sa karon ang ginapatigayon nga assessmnet sang Municipal Disaster Risk Reduction and Mangaement Council (MDRRMC) sa damyos nga ginbilin sang pagpanalasa sang mabaskog nga hangin sa Barangay Poblacion, Bagumbayan, Sultan Kudarat alas-3:30 kahapon sang hapon.
Sa eksklusibo nga interbyu sang Bombo Radyo Koronadal kay Hilarion Digdigan, isa sa mga tag-iya sang puluy-an nga ginguba sang buhawi, dyutayan na sila nga matiphagan sang ila nga naguba nga puluy-an bagud sa mabaskog nga hangin tuga sang mabaskog nga pagbubo sang ulan.
Suno ka Digdigan, maayo na lamang kag nagagwa sila sang iya nga pamilya bag-o paman tigayon nga matiphag ang ila nga puluy-an.
Maluwas sa puluy-an sang pamilya Digdigan, may pila pa nga naguba kun sa diinginlupad sang hangin ang atop sa mga puluy-an sang mga puluy-an sa ila lugar.
Ginahibalo man sang MDRRMC kun may mga naguba nga mga pananom sa lugar tuga sang buhawi.
