KORONADAL CITY – Yara na sa kustodiya sang mga otoridad ang isa ka suspek nga nadakpan sa anti-banlas operation sa tri-boundary sang Barangay Pulabato, Danlag, at Tablu, Tampakan, South Cotabato sang Sabado, Agosto 30, 2025.
Nahulog sa pil-as kag nag-angkon sang pilas ang suspek matapos naghana nga magpalagyo. Samtang, duha pa ka mga upod sini ang nakapalagyo, apang natumod naman sang mga otoridad ang identity sang mga ini.
Nakuha sa lugar ang nagkalain-lain nga gamit sa illegal mining lakip na ang pala, maso, dalagko nga hose, plastic pipes, sluice box, net, matalom nga bakal, kag mga radio communication device.
Ginguba man ang mga bunkhouse nga nasapwan sa lugar.
Nahibaluan nga ginpangunagan ang operasyon nanday Mayor Leonard Escobillo kag South Cotabato Police Provincial Director PCol. Samuel Cadungon, kaupod angn PNP, Philippine Army, kag iban pa nga ahensya.
Liwat man nga nagpaandam si Mayor Escobillo batuk sa mga financier sang banlas nga suno pa padayon nga nagaguba sa kabukiran.
