KORONADAL CITY – Yara na sa kustodiya sang kapulisan ang isa ka amay matapos nga aksidente nga naluthang-patay ang kaugalingon nga bata sa Sitio San Vicente, Brgy. Centrala, Surallah, South Cotabato.
Ginkilala ang suspek kay Edwin Castillo Abajay, 42 anyos, mangunguma kag residente sang nasambit nga lugar.
Naguwa sa imbestigasyon sang Surallah PNP nga nagluntad ang insidente matapos mag-inom ang suspek upod sa mga abyan sini sa ila nga puluy-an kag sang gintawagan ang misis sini nga nagatrabaho sa abroad apang wala ini nagsabat.
SAmtang, nagakatulog suno pa ang kag bata sini, naghana ini nga magpakamatay paagi sa pagluthang sa kaugalingon gamit ang calibre .38, apang sa baylo nga siya ang maigo aksidente nga naigo sang bala sa nawong ang bata sini.
Gilayon naman nga nadala sa hospital ang bata apang nadeklarar ini nga dead on arrival sang doktor.
Sa subong nagapangatubang na sang nagakaigo nga kaso ang suspek.
