Wala sang paghinulsol kag gin-ako sang suspek nga si Jayson Bañez ang pagpatay sa isa ka babayi sa bahin sang Purok Lower Cadidang Brgy. San Jose Syudad sang Koronadal.
Sa interbyu sang Bombo Radyo Koronadal kay Jayson Bañez, suspek sa pagpatay, wala ini pangduha-duha nga gin-ako ang pagbuno-patay sa biktima nga ginkilala sa kay Marilyn Pahilanga Lavapiez, 50 anyos, kag residente sang amo man nga duog.
Dugang pa sini nga wala ini maghinulsol sa pag-utas sa kabuhi sang biktima bangud sa napuno na ini kag bangud man sa “Chismis”.
Sa karun nakalupot na sa lock-up cell sang Koronadal City PNP si Bañez matapos man ini ang magsungka sa mga katapo sang Koronadal City PNP kag ini ang napreparahan na sang nagakaigo nga kaso nga ipasang-at naman batok sa iya.
Nahibaluan nga ang suspek kag ang bana sang biktima ang magpakaisa kag lapitay lamang ang ila nga balay sini. Ginplano na sang suspek ang pagpatay kag madamo man sang mga nakakita sang ginhimo niya ang nasambit nga krimen.
