TANTANGAN, SOUTH COTABATO – Padayon nga ginapangita sa karon sang mga otoridad ang isa ka mister matapos nga mapatay sini ang kaugalingon nga misis sa banwa sang Tantangan, South Cotabato.
Suno kay Tantangan Chief of Police, Captain Romeo Albano Jr., selos ang motibo nga ginasundan nila sang imbestigasyon sa pagpatay sang suspek nga si Roel John Mara, 38 anyos, isa ka panday, sa iya kaugalingon nga asawa nga ginkilala kay Denelyn Mara, 28 anyos, isa ka OFW.
Nahibaluan nga bag-o lamang makapauli ang biktima sa pungsod apang sa baylo nga sa iya mister sa Barangay Bukay Pait magdiritso didto ini sa iya mga ginikanan nagpauli sa barangay Dumadalig.
Ginpahayag pa ni Albano nga ginpadulungan sang iya mister ang misis agud nga istoryahon nag-away ang mga ini nga nagresulta sa pagpanglabo sang suspek sa biktima.
