KORONADAL CITY – Nagahilibion ang bata sang isa ka padre de pamilya sang masapwan nga wala na sang kabuhi ang amay sini kag nagabitay na sa sulod sang ila puluy-an.
Ginkilala ang biktima nga si Gerry Valencia Rimando, 42-anyos , isa ka vendor kag residente sang Prk. pagkakaisa, Brgy. Gen. Paulino Santos ng siyudad g Koronadal.
Suno sa bata sini nga si alyas Nonoy, siya mismo ang nakakita sa iya amay nga patay na kag nagabitay sa ila nga sala.
Nag-usar suno pa sang tie box ang biktima sa paghikog kun diin ginhigot sini sa iya nga liog kag ginbitay sa kisame sang ila puluy-an.
Naguwa sa imbestigasyon sang mga otoridad nga antes nagkomiter sang suicide ang biktima, nag-away sila sang iya asawa nga si alyas Nelly.
Nagapati naman ang mga otoridad nga bangud sa depression tuga sang wala paghangpanay nila sang iya asawa rason nga gin-utas sini ang iya kaugalingon nga kabuhi.
Sa subong, nagapangayo sang bulig sa mga ahensiya sang gobyerno ang asawa sini agud nga makapauli kag makit-an ang bana sa ulihi nga tion.
