KORONADAL CITY– Nagapadayon sa karon ang imbestigasyon sang mga otoridad sa nagluntad nga pagpamusil sang isa ka bana sang iya kaugalingon nga asawa sa syudad sang Cotabato.
Suno kay Police Chief Inspector Reynaldo Delantien, City police station 1 commander, 2 ka bes nga gintiro sa tyan sang bana ang biktima nga si Raiza Dalimbang Kalis, 28-anyos kag residente sang Lebak, Sultan Kudarat.
Makigkita kuntani ang biktima sa suspek agud ihatag sini ang tunga sang iya nakuha nga P13,000.00 halin sa 4Ps.
Apang samtang nagalakat ang biktima kaupod ang iya nga utod sang gulpi lang sila nga ginpalapitan sang suspek nga nagasakay sa motorsiklo kag gintiro ang biktima sa tyan nga naglapos sa likod sini.
Madasig naman nga nagpalagyo sa wala mahibaluan nga direksyon ang suspek.
Mahibaluna nga bag-o pa natabo ang insidente, wala na suno pa nag-intindihanay ang mag-asawa bangud sa away sa kwarta
Ginahibalo pa kun naga-usar sang druga ang suspek.
Sa karon, padayon pa nga ginbulong sa ospital ang biktima.
