KORONADAL CITY – Nasapwan nga wala na sang kabuhi sa ila mismo panimalay ang isa ka babaye sa siyudad sang Tacurong.
Ini ang ginkumpirmar ni Police Col. Joan Maganto, hepe sang Tacurong City PNP sa interview sang Bombo Radyo.
Suno kay Maganto, nasapwan ang biktima alas 9:00 kagab-i sa Purok 11, Poblacion Tacurong City sang iloy sini nga nagabitay na.
Ang nasambit nga biktima ang yara na sa legal nga edad kag miyembro sang LGBTQ Community.
Nag-usar suno pa ini sang electrical wire sa pag-utas sang iya kabuhi.
Nadala pa ini sa pinakamalapit nga hospital apang gindeklarar na nga dead on arrival sang doctor.
Sandig sa imbestigasyon sang mga otoridad, depression ang nakita nga rason sang kapulisan sa pagpakamatay sang biktima bangud Enero pa ini nagasuprer sang anxiety.
Wala naman-nag-ekspektar ang pamilya nga himuon sang biktima ang pag-utas sang kaugalingon sini nga kabuhi..
Kaangot sini, nagaawhag naman ang kapulisan sa mga nagasuprer sang problema kag depression nga indi maghimo sang kasubong nga butang sa baylo maghingyo sang bulig sa tagsa ka miyembro sang pamilya.
