Nagbulagay ang mag-asawa sa Kuwait, matapos ang tatlo ka minutos sang ila ginhiwat nga kasal.
Ang natabo gintawag sang mga foreign news nga “probably the shortest marriage” kag “fastest divorce case” sa ila tagsa ka mga report.
Natabo ini sang 2019, apang nagguwa ini liwat sa social media kag nangin viral.
Suno sa istorya, ang mag-asawa nga nagpakasal sa isa ka korte sa Kuwait bag-o lang gindeklarar nga mag-asawa.
Pagguwa nila sa pwertahan sang venue, nasandad ang bride.
Nabatian niya ang nobyo nga nagtawag sa iya nga “buang.”
Nag-init ang nobya kag nagbalik sa sulod sang courthouse.
Sa amo man nga tion kag didto ginpangabay niya ang hukom nga kanselahon ang ila kasal.
Nagpasugot ang hukom kag nagpaguwa sang divorce decree tatlo ka minutos pagkatapos nila kasal.
Samtang, sa website sang U.S. Embassy in Kuwait, gindiskusyon ang pagbulagay sang mga babaye sa ila mga bana nga taga-Kuwait.
Ang “Shari’a” ukon “khali’a” ginsambit bilang isa ka opsyon sa diborsyo nga magamit para sa mga kababayin-an sa Kuwait.
Rason agud nga ang isa ka babayi mahimo magdiborsio sa iya bana sang madasig nga indi kinahanglan nga magpasad sang mga rason, kon magsugot siya nga ihatag ang iya mga kinamatarong sa propiedad kag mga pagkabutang sang iya bana.
