KORONADAL CITY- Ginpahayag ni Bas Camendan, Vice Chairman kag Human Rights Desk Officer sang Mindanao People’s Peace Movement nga apisar pa may mga indi pabor sa pagpalawig sang Martial Law sa sulod sang isa pa ka tuig, kadam-an suno pa sa Bangsamoro ang pabor sa plano ni Pres. Rodrigo Duterte nga ipatuman ang extension.
Suportado suno pa sang Bangsamoro people ang martial law extension ilabi na bangud luyag man suno pa nila nga maaresto na ang mga big time narco politicians ilabi na sa probinsya sang Maguindanao.
Kaangot sini, ginpahayag ni Camendan nga dako ang mabulig sang Martial Law sa pagdakop sang mga barangay kapitan nga may kaangtanan sa illegal drug trade.
Samtang wala suno pa sang problema sa Bangsamoro ang desisyon sang Presidente apang padayon sila sa pag obserbar sa mangin resulta sang isa pa ka tuig nga Martial Law sa Mindanao.
