KORONADAL CITY – Kasubong nga nahulugan sang langit kag duta ang pamilya Bustamante makaligad nag-abot na kag nakit-an ang bangkay ni PFC Carl Venice Bustamante sa Brgy. Dajay, Surallah, South Cotabato nga isa sa mga suldado nga ginbawian sang kabuhi sa ambush sa syudad sang Himamaylan sa Negros Occidental.
Sa interbyu sang Bombo Radyo Koronadal sa utod sini nga si Janjan, tuman ang sakit ang ila nga nabatyagan tubtob subong makaligad nga gindul-ong na si PFC Bustamante sa ila nga panimalay.
Ginpahayag man sini nga nakabaton na sila sang bulig halin sa Surallah LGU kag DILG.
Samtang natalana naman nag ilubong ini sa Mayo 8 sa isa ka pribado nga sementeryo sa nasambit nga banwa nga pagatambungan lang sang pila ka mga malapit nga mga himata angot sa pagsunod sa pagpatuman sang lockdown sa probinsya sang South Cotabato.
Panawagan pa sini nga maangkon na ang hustisya nga ila gina hingyo sa masubo nga nadangatan sang utod sini nga si PFC Carl Venice Bustamante.
