KORONADAL CITY– Nakilala na ang bangkay sang isa ka lalaki nga nasapwan nga nagalutaw-lutaw kag yara na sa state of decomposition sa lining canal sa Purok Malipayon, Barangay San Vicente, Sto. Nino, South Cotabato pasado alas-5, Sabado sang hapon.
Suno sa impormasyon nga ginpalab-ot sang pamilya sa Bombo Radyo Koronadal, ang biktima ang nakilala nga si Haron Madaliday Lugioman, yara sa legal nga edad kag residente sang Purok masagana Kalawag 2 Isulan Sultan Kudarat.
Suno sa pamilya sini, lima ka adlaw na ngna missing ang biktima matapos nga nagbiya sa ila puluy-an nga nakamotorsiklo kag wala na nakapauli pa.
Una nga nasapwan ang motorsiklo sini sa idalom sang tulay sa sementeryo sang banwa sang Isulan.
Madumduman nga kahapon nga adlaw, ginpahayag ni Barangay San Vicente Kagawad Erma Cabayao pasado alas-5 sang hapon nasapwan ang bangkay sang biktima apang wala makilala dayon bangud wala sang identification
Ang description sini sang makita: may kataason nga 5’2, tambukon, naka-brown sang t-shirt, naka-boxer shorts nga itom kag may tattoo sa tuo nga dughan sini.
Paagi sa post sang Bombo Radyo Koronadal, nakilala sang pamilya ang bangkay kag gindala na sang mga ini sa ila nga lugar.
Sa karon, gindala na sa Emmanuel Puneral Parlor sa banwa sang Sto. Nino ang bangkay sang lalaki.//Kaangot sini, nagapanawagan
Nagapadayon naman ang imbestigasyon sang mga otoridad kun ano ang gintunaan sang kamatayon sang biktima kag ngaa nasapwan ini sa lining canal sa banwa sang Sto. Nino, South Cotabato.
