Bangkay sang lalaki nga nasapwan sa lining sa Koronadal natumod na

KORONADAL CITY- Natumod na sang Koronadal City PNP ang bangkay sang lalaki nga nasapwan sa lining sa Prk. Katipunan, Brgy. GPS Koronadal City.

Ang bangkay ang ginkilala nga si Darrel Pandar Gregorio, 31 anyos nga residente sang Brgy. GPS Koronadal City.

Nahibaluan nga sa interbyu sang Bombo Radyo Koronadal kay Rey Villaruel isa sa mga nakakita sa nasambit nga bangkay nga nakasuksok ini sang pula nga T-Shirt kag nakamaong nga pantalon ang biktima kag posible suno panga hubog nga nagamaneho kag papuli na kun tani sa ila puluy-an apang nadulaan sang balanse kag nahulog sa lining si Gregori kag nalumos.

Wala naman sang pilas ukon igo sang bala si Gregorio apang nagapadayon pa ang imbestigasyon sang mga otoridad.