KORONADAL CITY – Nakilala na sang mga otoridad ang identity sang bangkay sang isa ka lalaki nga nasapwan sa Sitio Mauland, Barangay Bololmala, Tupi, South Cotabato.
Sandig sa report, ang pamilya mismo sang biktima ang positibo nga nagkilala sa iya.
Ginkilala ini kay Joel Basil Kipad, 21 anyos nga residente sang Barangay Talahik, Surallah, South Cotabato.
Sa interbyu sang Bombo Radyo Koronadal kay Barangay Kapitan Cyril Sales sang Bololmala, nagakulob ang biktima sang masapwan sa maligwin nga lugar kaina sang aga.
Dako ang pagpati sang opisyal nga ginpatay sa iban nga lugar si Kipad kag ginhaboy lamang sa nasambit nga lugar.
Sa karon nagapadayon ang imbestigasyon sang mga otoridad sa nasambit nga insidente agud makilala ang suspek kag ang motibo sini.
