Bangkay sang lalaki nasapwan sa sulod sang CR sang Yellow Bus Terminal

KORONADAL CITY- Isa ka bangkay sang lalaki nga nagaedad 40-50 anyos ang nasapwan sa sulod sang comfort room sang Yellow Bus Line Inc. terminal sa Gensan Drive, Koronadal City.

Suno sa identification card (ID) nga nakuha diri, ginkilala ini kay Constancio Manubag kag taga syudad sang Heneral Santos.

Nakita suno pa ang bangkay sini sa sulod sang C.R kun sa diin nagdaramulit na sg higko ang iban nga bahin sang iya lawas rason nga dako ang posibilidad nga nagapamuhin ini antes ginbawian sang kabuhi.

Sa subong yara ang bangkay sini sa morge sang South Cotabato Provincial Hospital kag padayon nga ginatun-an ang rason sang iya kamatayon.