KORONADAL CITY – yara na sa decomposition stage ang bangkay sang isa ka lalaki sang masapwan sa isa ka bakante nga lote sa Purok Saranay, Brgy. New Carmen, Tacurong City.
Sandig sa report, alas-6 kaina sang aga , nakabaton sang report ang Tacurong City PNP angot sa nakit-an nga bangkay sa bakante nga lote nga ginapanagiyahan sang Pamilya Momay sa nasambit nga lugar.
Base naman sa pahayag sang Caretaker sang panimalay sang pamilya Fajardo, isa sa mga residente sang lugar, alas-5 kaina sang aga sang makasimhut sila sang baho kag ginsekyer kun sa diin ini nagahalin.
Diri na nakitan ang nasambit nga bangkay sang lalaki nga yara sa 5’3 ang kataason, long hair, moreno kag nakasuksuk sang kulay pula kag itom nga Ground Zero shorts kag wala sang bayo sa babaw.
Sa inisyal nga imbestigasyon sang Sultan Kudarat SOCO, posible nga ginlampusan ang ulo sang biktima bangod sa naangkon sini nga pilas sa ulo subong man ang paghubag sang tiil sini kag ginabulubanta nga yara na sa 3 ka adlaw nga patay.
Sa subong, nagpanagwan ang Tacurong City PNP sa tanan nga nadulaan sang Himata nga magpadulong sa ila nga talatapan bangod sa problemado kakulangon sini sang identity
