KORONADAL CITY- Nagapadayon subong ang imbestigasyon sang mga otoridad angot sa nasapwa nga bangkay sang isa ka babaye sa banwa sang Banga, South Cotabato.
Sa report nga ginpalab-ot sa Bombo Radyo Koronadal, nasapwan lang sang mga trabahante sang isa ka kumbuyuhan ang isa patay nga lawas sang babaye sa Purok Maligaya, Barangay Lambingi sa nasambit nga banwa kahapon sang aga.
Ginkilala mismo sang bana sang biktima nga si Jerry Sakam ang nasapwan nga bangkay nga si Lorena Saman Sakam, 35 anyos kag residente sang Sitio Lamtabong sa nasambit nga barangay.
Nagagwa naman sa inisyal nga mbestigasyon sang PNP nga ginlampusan usar ang kawayan ang ulo kag dughan sang biktima nga nangin rason sang iya gilayon nga kamatayon
Posible man suno pa nga ginpatay ang biktima malapit sa bunkhouse sang mga trabahante..
Mahimo man suno pa nga ginhaboy lamang ini sa sapa bangud sa mga dugo nga nakit-an sang mga pulis sa crime scene.
Sa subong, ginahibalo pa ang motibo kag may kahimuan sa nasambit nga krimen.
